બિરલા પરિવાર સાથે વિદેશમાં દુર્વ્યવહાર, અનન્યાએ ટ્વીટ કરીને કહ્યું- `અમને રેસ્ટોરન્ટમાંથી બહાર કાઢી મૂક્યા`

નવી દિલ્હી: દેશના જાણીતા ઉદ્યોગપતિ કુમાર મંગલમ બિરલાના પરિવાર સાથે વિદેશમાં જાતિભેદનો ચોંકાવનારો મામલો સામે આવતા ખળભળાટ મચી ગયો છે. બિરલા પરિવાર સાથે આ ઘટના અમેરિકાના વોશિંગ્ટનમાં ઘટી. કુમાર મંગલમ બિરલાની પુત્રી અનન્ય બિરલાએ ટ્વીટ કરીને આ જાણકારી આપી. અનન્ય બિરલાએ ટ્વીટમાં લખ્યું કે "આ રેસ્ટોરન્ટ સ્કોપા ઈટાલિયાન રૂટ્સે મને અને મારા પરિવારને પોતાના પરિસરમાંથી બહાર કાઢી મૂક્યા. આ ખુબ જ દુ:ખી કરનારું અને જાતિભેદી છે. તમારે તમારા ગ્રાહકો સાથે યોગ્ય વ્યવહાર કરવો જોઈએ. આ ઠીક નથી."